泰和行物業代理:西貢,大埔,村屋別墅

Eng

地產新聞

更多地產新聞

樓巿檢閱之山雨欲來

(陳永道) 2010年9月4日

周二賣地成績超好，九龍區例必又有業主反價，不過巿場反應冷靜，準買家仍然唔願再追價，原因只有一個，就是怕十月施政報告有料到，所以無謂現在高追入巿，叧一方面，特首友好鄭經翰日前撰大肆批評發展商賣發水樓，似乎政府先由鄭大班放風，試吓巿場反應，如果巿場無乜大反對聲音，就可能喺呢方面做嘢，因此搞到呢個周末的睇樓量都仲喺麻麻。

豪宅地皮一再以好價成交，二手業主更加心雄調高放盤叫價，睇樓客入市難上加難，，買家睇樓意欲降低，影響周末二手睇樓客量持續滑落。全港50個指標屋苑僅錄2,765組客戶預約在周末睇樓，數量較上周末下跌2.3%，連跌4周。客源方面，投資者繼續觀望後市，離場者愈來愈多，睇樓比例繼續下跌，佔總客量比例下調1.6個百分點至17.0%。

利嘉閣地產研究部指出，按地區分析，九龍及新界兩區屋苑的睇樓量均見下跌，當中九龍區屋苑跌幅較大，20個指標屋苑只有1,230組客戶預約在周末睇樓，數字較上周減少4.3%，德福花園及新都城的客量更分別急挫20%及12%。

新界區屋苑周末預約睇樓客量與上周相若，客量減幅僅1.5%，14 個屋苑睇樓量保持平穩，只有5 個屋苑睇樓量減少5%至17%不等。

受惠康怡花園及南豐新邨睇樓量分別增加13%及20%，帶挈港島區屋苑睇樓客量較上周輕微增加0.9%至535組。

基於巿場氣氛一般，所以9月份的成交量肯定無睇頭，不過業主企係信心十足，想買到減價盤，都仲唔喺咁易。