泰和行物業代理:西貢,大埔,村屋別墅

Eng

地產新聞

更多地產新聞

樓巿檢閱之軟不下

(陳永道) 2010年5月29日

周二粉嶺地拍賣地成績差強人意，樓巿繼續尋底，周三及周四股巿反彈，氣氛稍為好轉，加上周四長實李嘉誠叫自住用家可以買樓，個巿就係咁，即時有番啲生氣，不過可惜周五又嚟負面消息，這就就是南昌站流拍事件。雖然如此，周末日五連跌後回升，證明有一批買家按捺不住想入巿。

利嘉閣地產研究部指出，縱然近日樓市交投仍然呆滯，指標屋苑周末預約睇樓客量又重拾升勢。根據利嘉閣地產研究部數據估算，全港50個指標屋苑共錄2,200組客戶預約在周末睇樓，較上周末反彈5.5%，扭轉連跌五周的弱勢

按地區分析，新界區屋苑預約睇樓客量最多，21個指標屋苑周末兩日有755組準買家預約睇樓，數字較上周末增加6.3%；YOHO MIDTOWN商場即將開幕，帶挈YOHO TOWN預約睇樓量增加10%。

港島區屋苑預約睇樓客量則增加5.9%，9個屋苑當中有5個屋苑睇樓量有所增加，其中以城市花園增長最多，增幅高達25%。

九龍區屋苑的預約睇樓客量較上周平均回升4.6%，20個指標屋苑共錄得910組準買家預約睇樓，當中匯景花園、新都城及泓景臺睇樓量各自增加最少17%。

睇樓人多咗啲，不過大多只想揸便貨，但係業主仲係好硬，睇嚟代理都仲係得個做字。