泰和行物業代理:西貢,大埔,村屋別墅

Eng

地產新聞

更多地產新聞

樓巿檢閱之死都要第一

(陳永道) 2009年12月19日

行船爭解纜，新盤我賣先，呢一句肯定係長實賣樓既既定策略，既然如此，長實對自己第一個地位，非常緊張，所以早前有代理行做了一個調研去統計各發展商來年的推盤數目，其結果是新地以逾9000個新盤數目，榮升為來年的新盤王。

大家都知，可推售單位不等如發展商會於年內推出單位總數，事關發展商賣樓前要向政府賣樓同意紙，這漾一來回，隨時要幾個月，所以就算長實可以起到成萬個單位，但結果可以喺巿場賣的，一半都冇。

雖然現實係咁，但作為首富的旗艦公司，又點可以輸俾其它公司，所以當佢地見到有報導話佢地只係賣樓亞軍，條氣又點會順，所以為了討回冠軍，立即招開記者招待會，強調佢地才是來年的新盤王。

現時競爭游激烈，為保公司優勢，甚麼都最好係第一，咁就最安全，做阿二，可能要受氣，長實做慣第一，阿二呢個位，擺明無興趣，所以佢地即時作出反擊，這點係理所當然。

一向以來，長實都同其它發展商唔同，事關佢地賣喜歡一舖清袋。當外面個個發展商都話要封盤既時候，佢地賣樓就賣到唔停手。如果新地同長實比，邊個係賣樓冠軍，現在仲未知，但論起樓質素，肯定是新地勝過長實。