Tai Wo Hong Estate Agent Limited

地產新聞

樓巿檢閱之七月大翻身

(陳永道) 2010年7月3日

二手熱，一手爆，信和帝峰皇殿未開售前，二手樓用家齊齊出動睇樓買樓，造就一手盤開售的火熱氣氛，結果以近巿價開售的帝峰皇殿，以半熱門盤姿態成為近月最佳銷售成績的新盤，至於信和同期開售的承峰，有明顯是開錯價而導致銷售不滯。睇番二手睇樓睇樓活動，數字仍然上升，因此樓巿升勢可期。

睇樓活動持續升溫。利嘉閣地產研究部指出，全港50個指標屋苑共錄3,475組客戶預約在周末睇樓，數量較上周末上升4.5%，再度刷新紀錄。

按地區分析，港島區屋苑表現最好，周六日共錄得775組客戶預約睇樓，數量較上周末多出8.4%；當中康怡花園及杏花邨表現較突出，客量同時增長10%。

九龍區大型新盤開售，分散代理兵力及客源，拖累預約睇樓客量輕微增加1.1%，表現稍為遜色。20個指標屋苑中有12個屋苑睇樓量錄得上升，升幅介乎6%至20%。

新界區屋苑周末預約睇樓客量平均較上周增加6.4%，當中以灝景灣、碧堤半島及荃灣中心表現較佳，預約睇樓量錄得20%以上的強勁增長。碧堤半島周六日預約睇樓量因而上升29%。

港區及新界區睇樓量大升，顯示這次升巿由九龍區向外擴散。

　