Tai Wo Hong Estate Agent Limited

地產新聞

樓巿檢閱之名家匯成名城樓下亡魂

(陳永道) 2010年4月10日

最近恒基可謂苦個苦瓜，這邊廂政府不斷向恒基施壓，要佢地一而再再而三去解釋天匯延遲成交的安排，那邊廂長實又不斷加大力度去推大圍的名城，最終令恒地被迫放緩推售同區名家匯的步伐。

一向以來長實賣樓最喜歡於短期內將盤單位賣清，至於其它發展商，則喜歡擠牙膏方式去盤，他們賣樓速度時快時慢，但點都唔會將手頭上的資產於短時間內全數沽出。

恒基本來可先發制人，原因是名家匯較名城早推盤，如果名家匯訂價低一點，很大可能該盤早已沽清，不過很可惜，其訂價過份進取，呎價要萬二以上，不過最致命的問題是其間格較大，最細單位都有1500呎，單位入場費要成二千萬元，相對名城，最平單位八百萬有交易，易入場好多，變相長實食晒恒基啲客。

畢究大圍不是傳傳統豪宅區，入場費要去到二千萬，客人會有好多其它選擇，基於此原因，名家匯賣咗一段時間後，都係賣咗幾十個單位，按此情況觀察，剩下來那近百個單位，有排都賣唔晒，情況就好似佢地旗下既大埔比華利山一樣，賣極都賣唔晒。