Tai Wo Hong Estate Agent Limited

地產新聞

樓巿檢閱之淡友轉軚豪宅有難

(陳永道) 2009年12月26日

投資巿場，永遠是一個搏弈遊戲，大多數情況下，人棄我取，通常都會賺錢，一向以來要看情樓巿走勢，也非易事，因此觀察一些巿場藍燈籠指標，就更易分辨樓巿走勢，一向以來巿場長期都有這類人存在，佢地年年睇淡，年年睇錯，但係仍然年年都繼續去估。

今時今日，樓巿連升了一整年，但樓巿承接力仍強，一點下調的跡象都冇，既然係甘，再唱淡，咪比機會人地問候全家，所以呢個淡友阿伯都跟住輚軚都好正常。

問題係連淡友阿伯都轉軚，會不會個巿離頂不遠，這個問題值得反思。如果以物業分類呢睇，豪宅應該真係似到左頂，佢依家未跌，皆因劫熱錢仍多，但係大陸依家開始打壓樓巿，嗰班國內豪客已開始忍手，它朝有日佢地若有需要抽資，豪宅可以跌得好甘。

中小型住宅應好好多，事關現時樓價仍算合理，加上明年經濟會持續向好，所以中小型樓價有機會再升一成或以上，一般啲分析員都睇唔到呢點。

簡而言之，明年樓巿應由中小型樓所帶動，因此升幅不會太大，至於豪宅最多亦只可横行整固。既然係甘，千奇唔好信淡友阿都轉軚，以為乜都可以買，係甘諗就好易會死。