Tai Wo Hong Estate Agent Limited

地產新聞

樓巿檢閱之名宿估巿越估越錯

(陳永道) 2009年12月5日

樓巿經過兩個月的淡靜，最近又開始回勇，早前樓巿出現不明朗因素時，三流分析員急不及待唱淡樓巿，佢地大多估計樓巿會調整二至三成以上，因此不斷叫業主估貨離場，不過領峰不足一日，又賣出二百餘伙中型單位，巿場火熱程度，足以顯示購買力又再凝聚爆發。

樓巿連升多月，從種種跡象顯示，豪宅會先跌，跌幅會較大，隨後調整的中小型住宅跌幅會少一點，早前成交量急速下滑，確實做出一個調整的假像。因為一般而言，量先跌，然後價會跟着回落，但這次調整，只限於成交量跌，樓價下跌不足5%。

港人經過上年金融海嘯的經驗才知道，原來地紀大災難，也只推低樓巿兩個月，樓價雖然跌幅有三成，但一年過後，樓價又回到未跌時，所以原先諗住高位沽貸，然後低住買回的投資者會好失望，因為佢地高位沽貨後，跟本無機會比佢地在低位買回單位。

現時就業環境開始回穩，連美國的失業率亦出奇的下跌，港人買樓信心比早已回復，因此未來一年想買樓的人只會越來越多。去年某代理界名宿，話樓巿出現冰河期，最後證明錯到無譜，最近佢又話樓巿開始調整，叫人要小心，真係信佢一成都死。

年過六十啲阿伯分析員，預測力會隨着年紀增大而下跌，上述該位名宿，就係一個名證。一般而言，投資銀行的星級分析員大多也會在四十歲前退下火線，誰也不能例外。