Tai Wo Hong Estate Agent Limited

地產新聞

樓市五節棍之豪宅死火即買即撻

(林木地) 2016年4月9日

第一棍：豪宅死火即買即撻

呢輪樓市流年不利，成交少不在話下，代理高層震盪，有買家一手購入豪宅，都要即時訂，平均每宗唔見半球，就連元朗細樓都有買家選擇取消交易，買一手樓前真後要三思，遇著即買即減價消息，咪話唔心痛。

《阿爺報》講，料遲買更着數，各盤買家縮沙，ONE HOMANTIN四連撻。眼見有新盤變相減價亦無助銷情，買家入市信心動搖，各區陸續出現撻定。何文田ONE HOMANTIN增優惠未令銷情見起色，反連錄4宗撻定，發展商合共殺定近200萬元。無獨有偶，元朗朗屏8號再錄撻定個案，令該盤至今累積3宗撻定。至於將軍澳CAPRI更出現單一殺定過百萬元個案，金額愈見愈高。

第二棍：半山樓自己打自己

要淡市出擊，唯一方法將個價試底，半山盤自己打自己，新一個項目平過同系一年前訂價，早買早享受呢個講法真係難服眾。

《阿爺報》話，太地平13%賣西半山盤，殷然折實呎價2.58萬，重返一年半前水平。近期新盤銷情各異，西半山再有新盤加入戰團。太古地產公佈推出堅道100號殷然首批50伙，平均呎價26,962元，以買1伙未計現金回贈折實平均呎價25,816元，比旁邊系內的瀚然平均成交呎價29,537元低約13%，重返一年半前瀚然首推呎價水平，582方呎2房折實入場費1,418萬元。

太古地產住宅業務董事杜偉業表示，制定殷然價單時，考慮多項因素，認為價錢吸引，不評論其他樓盤銷售情況。他又指豪宅及位於優質地段的樓盤供應量少但需求大，樓價波幅亦相對較小，故對「殷然」的銷售充滿信心。

第三棍：煥然壹居滯銷

而家乜樓都滯銷，發展商好市唧牙膏賣樓驚平賣，現在淡市驚滯銷，更分一小批慢慢賣，連資助房屋都難賣，早輪售樓方式被質疑的煥然壹居，三日銷售率得一成四，差到冇朋友也。

《小超報》講，煥然壹居續滯銷，僅售14伙。市區重建局首個資助房屋項目啟德煥然壹居第三天揀樓，銷情仍然呆滯，全日共有66名中籤者獲邀揀樓，但僅15人到場，最終14伙獲揀選，約21%中籤者成功買到單位，比例再創新低。

煥然壹居338個資助房屋單位中，僅8個屬開放式單位，最後一伙昨天亦順利售出；至於1房單位仍主導銷情，售出11伙，餘下2伙則為2房戶。總結首3天揀樓，煥然壹居累積售出49伙，佔338伙約14%。

第四棍：波叔賣地忙湊數

波叔賣地要達標，遇上淡市，有一批中資支持下，但本地商人就忍手，連舊樓同補地價都停，咁做惟有多賣政府地湊數。

《搵銀報》表示，陳茂波：賣地計劃增供應冀達標。今年度「一鐵一局供應減少，發展局局長陳茂波稱，會從賣地計劃增加供應，以達至1.8萬伙供應目標，同時關注約600億元工程撥款，若立法會未能如期批准或影響本港經濟。

陳茂波昨出席立法會財委會特別會議提及，今年度潛在私人房屋土地供應可供建約2.86萬伙，鑑於鐵路及市建局項目供應少於以往兩年，補地價私人項目亦可能少於過去十年平均數，故此政府會從賣地計劃增加供應，以達至供應目標。

第五棍：金鋪仲衰過銀行

零售慘淡，金鋪仲衰過銀行，呢輪龍頭金行都要移位，平租應付巨變，捱得一時得一時。

《生果報》話，周大福棄租旺角巨舖，十分一價錢轉租同區細店，月慳405萬。零售市道不景兼無起色，昔日瘋狂「癲價」搶租核心區舖的金行已極速變陣，改以低價租舖減省成本。龍頭金行之一的周大福（1929）日前放棄月租高達450萬元、旺角好望角大廈面向西洋菜南街的巨舖，轉以十分之一的45萬元租金改租同一幢大廈面向彌敦道的舖位，每月慳租405萬元。