Tai Wo Hong Estate Agent Limited

地產新聞

樓市五節棍之政府平價賣「麵粉」

(林木地) 2016年2月6日

第一棍：政府平價賣「麵粉」

樓價下行，政府賣地都冇運行，位置一向吊腳的康城站，最新推出十期項目招標，政府批出補地價每呎二千銀，回到兩年前水平，仲要一次比一次低，連發展商買入之前期數都摸頂，呢次樓價跌勢由「麵粉」到麵粉齊齊不能倖免。

《搵銀報》話，將軍澳日出康城第10期火速招標，消息指補地價約16.59億元，每呎2,044元，較3個月前推的第9期急跌兩成，創2014年第5期後地價新低，預期樓價將有進一步下跌空間。

港鐵宣布，邀請發展商就日出康城第10期入標，截標日期為下月7日，項目已截收意向書，當時有多達24家發展商遞交。項目位於第8期及第9期之間，享兩面單邊海景地皮，景觀為整個康城各期之中最佳的一期，規模亦屬最小一個。

第二棍：股災成樓市催命符

上年第三季中港股災後，成為本港樓市催命符，去年底價量一齊攬炒，政府數字話去年尾季樓價跌近七個巴仙，幸好全年仲算微升，不過今年並不樂觀也。

《文人報》報導，差估署樓指去年第4季累跌7％。樓市去年第4季響起轉勢訊號。差餉物業估價署最新發表的物業報告顯示，私宅樓價指數自去年10月起連跌3個月，去年12月售價指數最新報285.2 點，相對11 月錄得的293.5 點按月跌2.8%，約重返去年1月錄得的284.6點水平，當中實用430方呎以下細單位12月按月跌幅高見3.8%，跑輸大市。事實上，樓指去年9月見306.1點歷史高位後，樓市即掉頭下滑，10至12月三個月期間累積跌幅為6.9％。有分析員估計，在多項負面因素影響下，樓價跌勢將持續一段時間。

第三棍：中國大孖沙來港搶地

大陸財團走資來港買地，連市區細地都唔放過，呢次萬科新界地價獲得市區地，可謂飲得杯落。
《香港雙報》指出，萬科再下一城，13億奪深水埗地皮。本港樓市陷入下行周期，但無減中資財團對本港地皮的渴求。其中繼去年將屯門掃管笏地皮收歸旗下後，萬科置業(香港)再下一城，成功奪得本港「麵粉」。

地政總署公布，萬科置業(香港)以13.06億元，奪得深水埗福榮街、營盤街與福華街交界的商住地，以地皮最高可建樓面面積約30.7萬平方呎計算，平均樓面呎價約4249元，屬市場估值的下限。

第四棍：賓架鬥低價賣樓

年關最難過，大陸逄年底緊係遇找數期缺水，連香港賓架亦不例外，個樓市當頭跌，銀行家急於劈價賣銀主盤，仲同二手業主鬥低價沽貨。

《搵銀報》表示，銀行趕出貨，銀主盤低估值1成沽。樓價回落負資產個案增，令銀行加快減價沽貨，造價較估值低約1成，情況屬近年罕見，包括屯門市廣場兩房戶剛以275萬元售，呎價僅7,576元；另紅磡半島豪庭低估價100萬元沽。

近半年銀主盤數目上升，銀行為加快去貨，成交價上提供更大折讓空間。其中屯門市廣場8座低層G室，實用面積363平方呎，銀主叫價330萬元，祥益地產高級營業經理袁思賢指，日前銀主大幅減價55萬元，以275萬元沽出，減幅達17%，實用呎價7,576元。

第五棍：小心大陸爛尾樓

唔好以為買大陸樓搏升，原來二三線區仍有爛尾樓個案，有投資者買入惠州爛尾盤，現在正向代理追討，可見港人買內地樓仍有水土不服風險。

《搵銀報》指出，惠州樓爛尾，買家索償。物業投資者2013年透過代理推銷，斥資615萬元人民幣（折約729萬港元）購入廣東省惠州新樓盤一單位，後來樓盤爛尾，投資者發現該樓盤未獲批商品房預售許可證，樓盤更遭查封，投資者入稟控代理違反謹慎責任，要求賠償逾720萬元。