Tai Wo Hong Estate Agent Limited

地產新聞

樓市五節棍之豪宅遇血光之災

(林木地) 2015年12月12日

第一棍：半山豪宅出手鬥低價

元朗新樓搶客埋身肉搏後，可能大孖沙驚供應不少，突反手出擊，連中半山樓盤都要低價出手，呢個半山物業開價要比隔離平一成，睇來細價盤劈完價同加佣搶買家後，中半山樓盤亦唔例外要減價出手。

《小超報》指出，璈珀35伙突開價每呎3.62萬。年底前一手新盤搶客戰未有降溫跡象，發展商都提速推盤。華置與新世界合作發展的西半山璈珀，剛於周三開放現樓示範單位，日前突擊公布價單和銷售安排，全數35伙推出發售，其中公布價單的12伙安排周一（14日）開賣，折實平均呎價約3.62萬元，其餘23伙則採用招標方式發售，招標期由下周一至明年3月2日。

第二棍：大行傳年尾請食無情雞

呢輪二手成交死寂，靠一手支撐地產代理衣食，大行年底前紛傳請員工食無情雞炒人，幸好年底埋數拉上補下，未至於業績見紅，有代理仲話全年人手數目沒有大調整咁話。

《搵銀報》表示，中原美聯澄清，無裁員計劃。近期一、二手樓市交投放緩，地產代理面對的盈利壓力更大，市場流傳大型代理開始裁員的消息。不過，兩大地產代理同時否認裁員，只表示會要求大業主減租，否則削減分店數目。

日前市場同時傳出，中原及美聯均有裁員動作。美聯物業住宅部行政總裁布少明即時作出澄清，他指近日二手樓市交投的確轉靜，公司並沒有裁員的計劃，過去4個月以自然流失方式削減約100名前線員工，但總結全年公司的員工數目及分行數目，目前仍算正增長。

第三棍：車位細細粒散戶愛炒

住宅樓冇得炒，資金轉移細細料容易食的車位市場，好似新界車位拆場亦有得爭，聽講仲話有高成數按揭支持，吸引不少散字派入市咁話，市場仲話有大把車場分拆活動，看來又一輪催谷吸資潮。

《文人報》講，宏安拆售沙中車位中信推高成數按揭。市場回軟，有業主拆售車位並提供高成數按揭。宏安今年中以9680萬元購入沙田中心140個車位，其中99個即將拆售，是次有銀行接受以其他物業抵押以借出額外貸款，有業界相信，是次應為車位市場上罕有提供高成數按揭的項目。

第四棍：鋪王租金跌完再跌

銅鑼灣遍地黃金消費年代過去，鋪位梗係要跌價，連羅素街鋪都要五折才租得出，看潮來潮退，升完下跌又後不變定律。

《文人報》報導，羅素街「新劈租王」較舊租減半。貴為全港呎價舖王第三位的羅素街60號地舖，最新以月租90萬元租出，新租客為國際品牌Folli Follie，呎租約1800元，新租較舊租179萬元減租約五成，成為羅素街18號地舖劈價租予Colourmix後，羅素街地舖的新劈租王。

第五棍：豪宅遇血光之災

呢排豪宅盤年尾流年不利，連番出現大額蝕，閒閒地轉手唔見幾球真金白銀，市區有豪宅跌二成，又有新界多個豪宅跌三球以上，最弊大埔比華利山別墅，有間喻為皇宮屋跌價三十球，認真駭人聽聞。

《阿爺報》指出，豪宅重災「血案」頻現，歌賦嶺銀主盤蝕366萬，帝峰．皇殿貶值三成。豪宅損手個案蔓延，重災區之一的上水歌賦嶺再添「血案」，物業淪為銀主盤後貶值近「4球」沽貨。同時，大角咀帝峰．皇殿一個多次抵按貸款的極高層，新近損手逾「8球」易手，可謂「蝕入肉」。值得留意是，兩項物業的原業主均為內地人士，在近期內地經濟增長放緩的背景下再添蝕讓個案，為呆滯的樓市再添陰霾。