Tai Wo Hong Estate Agent Limited

地產新聞

樓市五節棍之零售舖淡風殺到埋身

(林木地) 2015年3月21日

第一棍：零售舖淡風殺到埋身

本港零售業吹起冷鋒，美元強勁，加上反水貨客活動如火如荼，均令行業腹背受敵，有名店劈價成話題，有商場大孖沙揚言，下半年商場租金有壓力，乃年年銷費市道向好後首次發出行業預警。

《文人報》報導，新地：匯率波動下半年零售受壓。受累零售市道轉弱，近期就名店大幅減價，結果引起一輪搶購潮。新地（0016）代理租務部總經理馮秀炎認為，事件證明本地人仍具購買力，但對於下半年市道，她就認為受匯率波動加上外圍經濟因素，下半年零售市道有一定壓力，商場亦要更努力從商戶組合下工夫，以維持租金水平。

第二棍：八球市區居屋王有爭議

市區樓想跌都難，好似紅磡居屋新近以八球易手，個價都好癲，呢個單位可能由親屬互相轉讓，可能高價成交未必係指標。

《誠報》話，家維村3房800萬沽，新居屋王。近期各區居屋相繼創下新高後，又有居屋再破頂。土地註冊處資料顯示，紅磡家維?8座高層C室，實用面積736方呎，以800萬元成交，實用呎價10,870元，創下本港居屋史上最貴紀錄，此前該紀錄為柴灣居屋樂翠臺，錄得的790萬元成交登記。惟查冊紀錄顯示，新居屋王的買家與原業主同為陳姓，加上市場消息指，該單位現住戶否認賣樓，故有代理認為，是次交易或為內部轉讓。

第三棍：湯博士睇好豪宅跑出

最近爆煲論響遍全城，最近湯博士馬不停蹄為市場把脈解畫，並且看好豪宅價比細價樓出色，準唔準拭目以待。

《小超報》指出，湯文亮料豪宅跑贏細價樓。政府加辣後，紀惠集團行政總裁湯文亮直言，整體樓價將逐漸向下，而中原城市領先指數（CCL）最新報138.8，已到高位，認為下周CCL將更能反映加辣對樓價的影響，預料豪宅表現較細價樓好。他又認為，輸入外勞有助降低樓價。

第四棍：二手樓價似過山車

上車樓搶手，政府出手後，個二手市場成交高高低低，有高價成交，又同時有劈價交易，看來個市仲適應緊新招，要等個市好淡友角力一段時間才有定局。

《太公報》講，大型上車屋苑連爆多宗低價成交，一城兩房劈60萬低價9%沽。二手禾雀亂飛，早前瘋狂反價的大型上車屋苑，昨日連爆多宗低價成交，其中沙田第一城有兩房單位，於短短一個月劈價60萬元以400萬元急沽，比銀行估價平約9%，創屋苑今年兩房造價新低；另大埔中心、魝魚涌南豐新村、北角大型屋苑以至西半山豪宅也有平價交易，低市價2%至10%不等。

第五棍：車位拆貨有叫座力

地產大孖沙賣樓大手套現外，連車位都嘜高價出貨，最新粉嶺車位拆貨，每個車位要一球幾，仲開紅盤，可見同磚頭有關投資甚有市場叫座力。

《太公報》表示，貴絕北區，粉嶺車位賣138萬，新地瓏山一號單日沽38個。「月月有樓賣」的新地（016）在開售豪宅尖沙嘴九龍站天璽貨尾前夕，昨率先推售粉嶺瓏山一號五十九個車位，成為羊年第一擊。消息稱，昨日沽約三十八個車位，其中三個車位均以一百三十八萬元由屋苑業主買入，打破兩個月前上水皇府山車位一百二十八萬元的紀錄，榮登北區最貴車位寶座。