Tai Wo Hong Estate Agent Limited

地產新聞

樓市五節棍之地產代理業翻生

(林木地) 2014年8月9日

第一棍：山頂冇新貨亂叫價

港樓價越唱跌越升，有地產大孖沙賣新盤，個價攞得最盡，好似山頂鮮有新貨，個價可以話任叫，最新有個山頂項目，個呎價嗌到17萬，重貴過全球最貴呎價摩納哥，真係政府高官看在眼有乜感想。

《阿爺報》講，山頂屋呎價叫17.6萬，全球最癲 4661方呎售逾8.2億送BSD稅9624萬本港天價豪宅再現。新地上周曾以招標出售山頂加列山道12號 TWELVE PEAKS，其中11號及12號屋最終流標後，昨公布以創紀錄呎價推出此盤全數12間洋房價單，全部呎價均逾10萬元，當中實用面積4,661方呎的1號屋，售價達8.191億元，呎價高達175,735元，若成功售出，將創出全球洋房新高呎價。

第二棍：大批一手樓花壓境

政府係咁推地，個樓價都跌唔低，不過，今年新樓就好熱鬧，個個發展商都準備爭先賣樓，而家申請賣樓達萬伙，還未計已批售樓紙未推出樓盤，短期一手樓係市場大玩家。

《小超報》表示，待批樓花10342伙，1年高位，料發展商續貼市價散貨。新盤銷情熾熱，加上近年批出的土地陸續進入上蓋建築階段，發展商積極向地政總署申請預售樓花，令待批單位數目連升4 個月，至7 月高見10342伙，為8個月以來首度突破1萬伙，亦屬1年高位。業界相信，由於待批單位數目不斷增加，發展商仍須繼續以貼市價推售，並以優惠作招徠。

第三棍：觀塘項目黃帝女嫁唔出

市建局「五行欠水」，雖然籌錢應開支，不過，佢地收購經年大項目觀塘重建流標，馬上又再推出，今次改低條件，明吸引地產商入局。

《免費報》報導，觀塘市中心項目減要求重新招標。市建局昨公布，再次邀請10間發展商入標競投觀塘市中心第二、三期重建項目，本月26日下午5時截標；市建局董事會將於9月底前就項目批標。據了解，該局取消原先要求80億元的入場費，入標價及分紅方式由發展商提出；至於興建平台的限期則由56個月增至72個月。另外，該局會協助修改發展藍圖；發展商亦可與其他未有獲邀入標的發展商合組財團參與項目。

第四棍：地產代理業翻生

今年下半年個市好番些少，一路下跌緊地產從業員，持牌數字谷底反彈，相信一手盤繼續急賣，成為代理業主要來源，而二手樓因缺盤，境況依然麻麻。

《小超報》謂，代理人數連升3個月。多個發展商近月積極推售新盤，刺激樓市成交增加，也帶動代理持牌人數從低位回升。地產代理監管局數據顯示，截至7月31 日止，地產代理持牌人數共3.555 萬人，按月增加0.2%，屬連升三個月，業界相信，若一手推盤步伐在下半年持續，相信代理人數仍可平穩向上。

第五棍：證券大孖沙出手

資金大氾濫，熱錢仍不斷流入，證券大孖沙買貨未手軟，一幢一幢咁入貨，最新金融界女名人，就一擲十幾億買起中環全幢商廈。

《搵銀報》稱，金利豐朱太16億購大道中35號。消息稱，福利集團日前以16億元，售出中環皇后大道中35號全幢，消息指出，買家為證券商協會會長、金利豐行政總裁朱李月華，估計購入該廈後會先作收租，日後或重建物業。

朱太不時投資工商物業，以大額舖位為主，如數月前以7億元，沽出旺角百寶利商業中心多層予黑石基金，物業總樓面約兩萬平方呎。